Regjisori Davis Guggenheim me elokuencë thur shkencën e ngrohjes globale përmes historisë personale të z.Gore dhe përkushtimit për të kthyer efektet e ndryshimeve klimatike globale. Si avokat i thekur i mjedisit, Gore paraqet një mori faktesh dhe të dhënash në një mënyrë bindëse. “Al Gore e zhvesh prezantimin nga politika, shtron faktet para publikut që të nxjerrin vetë përfundimet dhe këtë e bën me një stil tërheqës, gazmor dhe frymëzues, dhe në fund, kur kuptojnë mesazhin e tmerrshme të tij, askënd nuk e zë vendi”, thotë Guggenheim. Një e vërtetë e paleverdishme nuk është histori dëshpërimi, por më tepër një apel që të bashkohemi të gjithë për të mbrojtur tokën. “Tashmë është e qartë që jemi përballë një krize klimatike globale që sa vjen e rëndësohet, prandaj
kërkohet të veprojmë me guxim, shpejt dhe me mençuri”, thotë Gore.